المستشفى فى عصر الخلافة الاسلامية (البيمارستان العتيق)

 البيمارستان العتيق.....

هنتكلم انهارده عن البيمارستان العتيق (بيمار) يعنى مريض (ستان) يعنى مكان (المستشفى) حاليا .....

الحقيقة ان اول مستشفى او بيمارستان فى مصر كان فى عهد احمد بن طولون و الحقيقة ان هو مش موجود حاليا لكن وصلنا وصفه و خصائصه من خلال المؤرخين....

انشأه احمد بن طولون عام 259 هجريا \ 873 ميلاديا فى منطقة اسمها الكميان و الصحراء و دى كانت بين جامع احمد بن طولون و كوم الجارح....

و صرف على بنائه ستين الف دينار (عملة من الذهب ) و خد معظم النقود دى من الكنز اللى وجده فى تنور فرعون ( ده كان موجود فى جبل المقطم وراء قلعة الجبل و بن طولون بنى في المكان ده جامع و تهدم ايضا ) .... واوقف عليه عدة اماكن عشان تصرف على البيمارستان عشان يكون العلاج فيه بالمجان و كان شارط انه مفيش جندى مملوكى يدخل يتعالج فيه...

- دورة دخول المريض..

و كان المريض اول م يدخل البيمارستان يخلع ملابسه و يضع نقوده عند امين البيمارستان و يرتدى الملابس خاصة بالبيمارستان و يخصص له غرفة تتوفر له فيها الراحة و يباشره الاطباء بالعلاج و يصرف له الدواء مجانا حتى يتم شفائه 

و كانو يعرفو انه تم شفاء المريض بانهم كانو يقدمو له فروج (فرخة) و رغيف عيش اذا كلهم يبقى تم شفائه و اذا لم ياكلهم ف هو مازال يحتاج للعلاج و هو خارج من البيمارستان ترد له ملابسه و ياخد 3 دينار ....

- وصف البيمارستان و اقسامه.....

و البيمارستان كان بيتكون من قسمين قسم خاص بالرجال و قسم خاص بالنساء و كل قسم كان فيه كل لبنعدات الخاصة بالدكاترة و المرضى من الات و خدم (ممرضين) و فراشين و كمان كان فيه دورتين مياه و احدة خاصة بالرجال و واحدة خاصة بالنساء..

البيمارستان كان بيتكون من خمس اقسام و هم....

1- قسم الطبائعى (الباطنة)

2- الكحالين (الرمد او العيون)

3- النساء و التوليد

4- الجراحين و التجبير 

5- الامراض العقلية

و اقدم بيمارستان موجود حتى الان هو البيمارستان الل بناه المنصور قلاوون فى شارع المعز و هو حاليا لعلاج الرمد بس مستشقى رمد قلاوون اللى موجودة فى الصور...