هرم منكاورع و حاجات اول مرة تسمعها عنه

 خلونا نخلص من اهرامات هضبة الجيزة بقى😁...

هنتكلم انهرده عن هرم منكاورع  .....

صاحب الهرم هو (من كاوو رع) و معنى اسمه فى اللغة المصرية القديمة هو فلتبقى قرائن الاله رع.... نفس الطقوس اللى اتفقنا عليها قبل بناء كل هرم اللى قولناها فى بوست الهرم الكبرالاكبر..

_ و على الرغم ان هرمه اقل فى العظمة من هرم ابوه خفرع و جده خوفو الا انه كان محبوب جدا من الشعب اكتر منهم و كل المؤرخين قاله انه افضل حاكم فى الدولة القديمه....

حكم حوالى 29 سنه و مات قبل م يكمل الهرم الخاص بيه و اللى كمله بعده ابنه (شبسس كاف) بس للاسف ابنه مكانش ليه فى البناء ولا الهندسة خالص زى اجداده العظام.... فكمل الهرم ب احجار ضعيفة زى الطوب اللبن او النى عشان كده الهرم طلع بالمنظر ده..... و طول الهرم كان 108 متر لكن حاليا هو 66.5 متر!!!

_ حتى ابنه لما جه يبنى لنفسه حاجة بنى مقبرة بسيطة جداااا على شكل مصطبة بين سقارة و دهشور معروفة حاليا باسم مصطبة فرعون...

_ واول واحد دخل الهرم فى العصر الحديث هو الظابط الانجليزى (ريتشارد فايز) (الفاء عليها 3 نقط ) و بيقال انه استخدم البارود من الخرج عشان يقدر يوصل لغرفة الدفن و ده كان من اسباب الهرم يبقى بالشكل اللى عليه حاليا و دخل بالفعل لغرفة الدفن وو جد فيها تابوت من حجر البازلت عليه نقوش و مزخرف ببعض المشكاوات  و فى داخله تابوت اخر من الخشب الكلام ده كان عام 1837 و قرر ريتشارد انه يوديه انجلترا عشان يتعرض فى المتحف البريطانى لكن و هوفى البحر ضاع التابوت الحجرى بين مالطة و اسبانيا انما التابوت الخشبى ده كان مشحون لوحده و وصل سليم .....

_ حوالين الهرم بقى من الناحية الشرقية كان فيه المعبد الجنائزى و فيه بقايا بسيطة اوى منه و كمان كان فيه معبد الوادى اللى وجدنا فيه 5 قطع لثالوث منكاورع (الثالوث هو 3 اشخاص فى تمثال واحد) مصنوعين من حجر الشيست فيه تلاتة منهم موجودين حاليا فى المتحف المصرى و الاتنين الباقيين موجودين فى متحف بوسطن فى الولايات المتحدة الامريكيه...

_ اخر حاجة بقى فى ادام الهرم فيه 3 اهرامات صغيرين منهم اتنين مدرجين و اسمهم الدارج هو اهرامات الملكات و ابرزهم او اكتر واحد محتفظ بحالته هو اكبرهم و ينسب الى (خمير ار نيبتى الثانية) و دى كانت زوجة منكاورع و كمان جمب الهرم ده وجدو تمثال للملك رمسيس التانى مع احدى المعبودات